Au s'HUNNE Gelaage XVII isch scho wieder Gschicht und unsere Vogel het am Sunntig dr Wäg in sini neui Voliere gfunde (Details folge).

Bi nit ganz erfreulichem Wätter hänn mir d'Ventilatore, Guggemusik 53, d'Räpplischpalter, d'Schänzli-Fäger und d'Schlangefänger als Gaschtgugge dörfe begrüesse. Viele Dangg hänn ihr mit uns zämme dr Oobe musikalisch untermoolt und so zu eme glunge Fescht bydrait.

 

Au de zahlriche Gäscht, Passive, Familie und Fründe wo em Wätter trotzt hänn, und uns luutstargg unterstützt hänn e härzligg Danggscheen.

Em René und sym Team rund um s Restaurant Langi Erle dangge mir für d'Location und die toll Zämmearbet. Sehr gärn nägscht Joor wieder

Und au bi de beide Filmemacher Didi's Fasnachtswält und Gugge Movies & Pics wänn mir is bedangge für dr Uffwand und die tolle Videos wo sie ins Netz gstellt hänn.

Wyteri Bilder zum Gelaage finde dir in unserer Gallerie

 

See you soon

Hou hou hou

HUNNE BASEL